أُمي .. اُمي

لا اعلم ماعلي قوله ..ولكني اهدي هذا الكلام الي كل من فقد اُمه ..لاني انهارده دخلت علي مدونة متعودة اني ادخل عليها ..وللاسف ربنا يصبره ..توفت اُمه الي رحمه الله ..مش عارفة اعزيه ازاي ولا اصبره بإيه ..لاني مرة ماما ربنا يخليها لي يارب ..كنا قاعدين وذكرت لنا وقلت لو مت هتعملوا ايه ... قعدت اسمع الكلام فترة كده ..لمجرد ثواني ... ومش عارفة اقولكوا بجد اللي حصل ..دخلت حطيت حاجات ف المطبخ ..وفجأة لاقتني عيني هتنفجر ..ومش عايزة ابين لماما فكتمت ف قلبي حزني ..وكأني كنت هنتحر .. وقلبي وقف .. وتفكيري اكتر ..مش متخيله ازاي ممكن يجي عليا يوم واصحي ملاقيهاش ..ده انا مصدقتش وفاة تيتا وقعدت اكتر من شهر بشوفها معايا بتتحرك ف البيت ...بجد مش متخيلة نفسي ف الموقف ده ... تعرفوا ماما مرة قالتلي ..اني من كتر ما انا متعلقة بيها كده ..ان لا قدر الله لو حصلها حاجة اني مصيري هيكون المستشفي ..او اني اقعد مكاني بدون حركة ده اللي انا حساه ..يعني يا اما زي ما ماما قالت .. يا اما زي ما انا متوقعة ..اني هقعد مكاني بلا حركة ولا كلام ...اسفة بجد اذا كنت دخلت عليكم حزني ... بس بحس اوقات اني لازم اتكلم ..وانهارده لما عرفت الخبر ده معرفتش اسكت
وبجد بوصي كل واحد او واحدة .. رضا الام .. رضاها ..هو اللي بيكسب الدنيا بحالها ...طول ما هي راضية عنك ميهمكش من حد ..وان زعلت يوم منك ..اوعي تنام من غير ما تصالحها وتحضنك وتضمك ... دي الام ...يعني الجنة تحت رجليها

بحبك .....بحبك .....يا اغلي واحن واطيب قلب ...نفسي بجد اشوفك عند الكعبة ...نفسي اشوفك مع افواج الحج ...ادعولها معايا وادعوا لكل الامهات
يااااااااااااااااارب

كلمات

أُهدي هذه الكلمات لكل شخص مر بحياتي وتعلمت منه

وإلي من ائتمنوني علي اسرارهم وتجاربهم في الحياة

*إذا أراد قلبك شئ فلا تفعله إلا إذا الح عقلك عليك بنفس الشئ

*أذا كنت تريد أن تحب فلا تفكر بمبدأ الحب ولكن فكر من سوف تحب؟

*إذا كنت تريد البداية فأجعل طموحك وآمالك بلا نهاية

*إذا اردت ان تجعل الناس تحبك فأبدأ اولا ً بحب نفسك

*اذا كنت تريد الحياة فابحث عن الجنة

* اذا كنت تريد الله فكن معه تري الدنيا جنة

*اذا صعب عليك شئ فافعله عدة مرات حتي يصير سهلاً

*اذا كنت لا تحب الحياة فافعل ما يحببك في الاخرة وفي لقاء الله

*ان لم تكن يوما ًطفلاً فاجعل من حولك من الاطفال... اطفال

*اذا شعرت يوماً مابأحد امتلك قلبك فلا تصارحه حتي يكون اقنع عقلك

بحر الخيانة

وما سقطت منك إلا في بحر الخيانة
بحر علمتني فيه كيف لا تصان الامانة
بحر لم استطع الابحار فيه .... فأنا من طبعي الأمانة
ولكنني لم أغرق بعد..فالأمانة هي طبعي وليس الخيانة
وتغلبت عليك ..ووصلت الي بر الامان
وتعلمت من ذلك كيف يكون ويتعامل من مثلي مع بني الانسان
وكيف تكون طباعي في ذلك العصر والزمان
لا تستطيع ان تتعامل مثلي وان تعتبر كل بني البشر بمعني كلمة إنسان
ولقد كنت وما زلت في بعض الاحيان اتعامل بحسن نية مع اي انسان
ولكني تعلمت الآن ... ان ليس كل انسان انسان
فالبشر في طباعهم الآن ...الغدر وليس الامان
ولا يوجد الا قله ..اذا وجدت يجب ان تصان
وهي التي تعلم كيف يكون الانسان ..انسان